Сіз мындасыз: Home RY'HANI'AT ЖҮРЕГІМЕ НҰР ҚҰЙДЫ

ЖҮРЕГІМЕ НҰР ҚҰЙДЫ

Телеарнамыз “Қызылжар” боп өзгерді,

Бұл хабарды естіді жұрт, көз көрді.

Ақсақалдар бата беріп игі іске,

Алда атқарар жұмыстар да сөз болды.

 

Кер заманның қаһарымен қағылған,

Өтті дәурен озбырлыққа бағынған.

Әр жүректе атой салған арман бар,

Қызылжардың өз атауын сағынған.

 

Шуақ шашқан мынау дарқан далама,

Қайтарылар көне есімі қалама.

Қасиетті Қызылжардай атауы,

Бала кезден сіңіп қалды санада.

 

Көңілдерге нұрлы істермен гүл егіп,

Қуанышқа ортақтасып жүрелік.

Бәрі-бәрі азаттықтың арқасы,

Мәңгілікке жалғасуын тіледік.

 

Ақиқат қой ақ таңымның атары,

Жат есімнің су түбіне батары.

Келер ұрпақ көрері хақ, көркейер,

Қызылжар мен бас қалалар қатары.

 

Телеарнамыз кеңейтсе енді арнасын,

Орта жолда бөгеліп тек қалмасын.

Ұлтымыздың асқақтатқан рухын,

Жақсылықты әрбір адам жалғасын.

 

Болат САҒЫНДЫҚОВ,

Солтүстік Қазақстан

облысының құрметті азаматы.  

Add comment


Security code
Refresh

Біздің мекенжайымыз: 150000. Қазақстан Республикасы, Петропавл қаласы, К.Сүтішев көшесі, 7-үй. Газет поштасы: This email address is being protected from spambots. You need JavaScript enabled to view it.