RÝHANIATКатегория: RÝHANIAT
- Құрылды 06 Желтоқсан 2018
НАМЫСЫҢДЫ ҚАМШЫЛА, ҚАЗАҚ!
Алаштың арда ұлдарының бірі Міржақып Дулатов: “Қай елдің баспасөзі күшті болса, сол елдің өзі де күшті”, – деген екен. Шынымен де, газет – заман айнасы, дәуір болмысы. Ал қаламының ұшымен уақыт келбетін суреттейтін журналистер – ел-жұртының мақсат-мүддесін жақтаушы ғана емес, ұлттық, рухани құндылықтардың жоқтаушысы. Уақыт көшіне ілескен басылым бүгінгі күннің жүгін көтеруді өзінің бұлжымас міндеті деп біледі. Сондықтан да қоғамдағы өзекті мәселелерді назарынан тыс қалдырған кезі жоқ. Ақпараттық технологиялар төрге озған қазіргі таңда газет-журнал, кітап оқымайтын жастар көбейіп келеді. Алдыңғы толқын, ұстаздар өскелең ұрпақтың болашағына алаңдайды. Басылымның жанашырлары әрі тұрақты оқырмандарымыздың қатысуымен ұйымдастырылған “Газет – халықтың жаны” атты “дөңгелек үстел” басында осы мәселелерге орай көптеген кесек ойлар ортаға салынды.
Категория: RÝHANIAT
- Құрылды 06 Желтоқсан 2018
ҰЛТТЫҚ ҚҰНДЫЛЫҚТЫҢ ҚАЙНАР БҰЛАҒЫ
Жазушы Шерхан Мұртазаның “Кітапты сүйген адам – Құдайды сүйеді” деген терең мағыналы сөзі бар. Шынымен де, асыл дүниенің бәрі кітап бетінде емес пе?! Халқымыз: “Құдайдан қорықпағаннан қорық” – дейді. Бәлкім, кітап, газет оқымайтын ұрпақтың болашағы бұлыңғыр екенін айтқысы келген шығар. Мен ардагер ұстаз ретінде көп адамдардың кітапты қойып, мерзімді басылым беттерін ашпайтынына жүрегім ауырады. Соның салқыны газетке жазылу науқаны жүріп жатқанда анық байқалып отыр.
Категория: RÝHANIAT
- Құрылды 04 Желтоқсан 2018
ТАРИХ ПЕН ТАҒЫЛЫМ
Халқымыздың аяулы жазушысы Мұхтар Әуезов ұлтының ұлылығына, халқының қадір-қасиетіне сүйсінген бір тұста: “... Шалқайса – тарих шыңы бар, еңкейсе – иен елі бар”, – деген екен. Иә, бізді төрткіл дүниеге танытып отырған сол тарихымыз бен тәуелсіздігіміз. Елбасымыз оны өзінің “Ұлы даланың жеті қыры” атты мақаласында дәйектей түсті. “Аң стилі”, “Алтын адам”, “Атқа міну мәдениеті” – бәрі Ұлы даланың тағылымы мол тарихы бар екенін, түп-тамырымыздың тереңде жатқанын айғақтайды.
Категория: RÝHANIAT
- Құрылды 04 Желтоқсан 2018
ӨРКЕНИЕТТІҢ ҚАЙНАР КӨЗІ
Кеңестік кезеңде бәріміз білім алған мектептерде қазақтың тарихын пышақтың қырындай ғана “Қазақстан тарихы” оқулығындағы деректерден оқып, сонда баяндалған оқиғаларды ғана сипаттауға басымдық беріліп еді. Тіпті, кейде осынау кең-байтақ даламыздағы тіршілік белгісі Қазақ хандығы құрылған кезден ғана басталғандай қабылданатын. Ол аздай, қазақ көзін ашқалы басқыншылық пен зорлық-зомбылықтан бас көтермеген, жаулап алмақ болғандармен соғысып өткен, одан қала берсе, ғылым мен білімнен алыс қалып, тек мал бағып, көшіп-қонып жүрген халық ретінде көрсетіліп келді.
Категория: RÝHANIAT
- Құрылды 04 Желтоқсан 2018
САНАДАҒЫ СЕРПІЛІС
Қазақ елі егемендігінің көк байрағын өз қолымен тұңғыш көтеріп, тәуелсіз Қазақстан мемлекетін құрған Елбасымыз Нұрсұлтан Назарбаевтың ширек ғасырдан астам уақыт ішінде туған елін әлемдік қоғамдастыққа танытқандығы Ай туғандай ақиқат. Президентіміздің осы жылдар бедерінде ел дамуының басты бағытын айқындап берген бірнеше мақаласы жарық көрді. “Болашаққа бағдар: рухани жаңғыру” мақаласы – рухани байлығымыз бен ұлттық құндылықтарымыздың дамуына тың серпін берген құжат.