ҰСТАЗ ҰЛАҒАТЫ

“Сақтадым өнерменен тағатымды,

Түзедім тірліктегі ағатымды.

Ұстаздық еңбек еттім елу жылдай,

Жан емен бос өткізген сағатымды”, – деп жырлаған ұстаз Сейтен Сауытбеков нағыз сегіз қырлы, бір сырлының өзі еді. Ол ең алдымен аса білікті ұстаз, оған қоса ақын, жазушы, журналист, әнші, суретші, ауыз әдебиетін жинаушы-фольклоршы, әдебиет зерттеуші ғалым, аудармашы болған.

  • Автор: Super User
  • Қаралды: 17

БАСПАНАСЫ ЖОҚТАРҒА БЕРІЛЕДІ

“7 – 20 – 25. Әрбір отбасына баспана алудың жаңа мүмкіндіктерін беру” бағдарламасына қатысушы банктердің тізімі анықталып, несие беру басталды. Бұл туралы Ұлттық банктің облыстық филиалында өткен баспасөз мәслихаты барысында оның директоры Диас Мэлс мәлімдеді.

  • Автор: Super User
  • Қаралды: 18

Kcell абоненттері мобильді баланс арқылы қалай тауар сатып алады, қызмет ақысын төлейді және уақытын үнемдейді

Күнделікті мәселелерді тез шешу бізге уақытымызды тиімді жоспарлауға және өзімізге, отбасымызға немесе сүйікті ісімізге көбірек көңіл бөлуге көмектеседі.

Бүгінгі күні бізге смартфон мен ұялы байланыс операторлары ұсынатын қызметтер көмекке келеді. Күнделікті мәселелерді шешу ісін онлайн кеңістігіне аудару - мобильді болудың бір жолы.

Activ абоненттері 2016 жылдан бастап қызметтер мен тауарлардың ақысын баланстан төлеуді бастаған болатын, қазір бұл функция Kcell абоненттері үшін де қол жетімді.

Клиенттерге ыңғайлы болу үшін «Кселл» АҚ арнайы mobimoney.kz порталын іске қосты, осы қызметтің көмегімен түрлі салаларда тұрмыстық мәселелерді оңай шешуге болады және байланыс, телевизия, коммуналдық қызметтер, билет алу және тағы басқаларға ақы төлеу үшін мобильді нөміріңіздің балансын пайдалана аласыз.

mobimoney.kz порталы арқылы жылдам іске асатын және нөмір балансынан ақысын төлеуге болатын істердің тізімі:

Отбасылық істер үшін:

ü  Коммуналдық қызметтерді, интернет және телевизия ақысынбір терезедетөлесеңіз - коммуналдық қызмет көрсететін орындарға бармайсыз;

ü  Өзіңіздің және отбасыңыздың мобильді балансын онлайн баланстан толтырыңыз, осылайша,  терминалға барып жүрмей, өз уақытыңызды үнемдейсіз.

Жол ақысы үшін:

ü  Алматыда қоғамдық көліктің, Алматы мен Астанадаавтокөлік тұрағы үшін ақы төлеу. Сонымен қатар, мобильді баланс арқылы паркинг ақысын төлеу ақшаңызды үнемдейді, себебі паркомат ақшаға қайтарым жасамайды. Ал тұрақтың ақысын алдын ала мобильді баланстан төлесеңіз, қаражат тұрақ шотында қалады және онымен тұрақ ақысын немесе келесі тұрақ үшін төлей аласыз.

       Өзіңіз үшін:

ü  Іс-шараларға билетті бірнеше рет басып, танымал купонаторлар бойынша жеңілдік купондарын ала аласыз;

ü  Онлайн-ойындарда  жеңіске жетіңіз - онлайн ойындарда қосымша техника мен құрал сатып алыңыз;

ü Танымал  косметиканы таңдаңыз және оның ақысын тауарды алу кезінде оған уақыт жоғалтпастан мобильді баланстан төлеңіз;

ü  Букмекерлік кеңселерде төлем шотын толтырыңыз.

Қаржы үшін:

ü  Банктің филиалдарына бармай-ақ, Қазақстанның тұрғын үй құрылыс жинақ банкінде несиені өтеу немесе депозитті толтыру;

ü  Егер тұрғын үй, автомобиль сатып алсаңыз немесе сатсаңыз, танымал сайттарда хабарландыру бере аласыз.

Қажет болған жағдайда, бүкіл Қазақстанбойынша «Қазпошта» АҚ 3400 бөлімшесі арқылы мобильді баланстан ақшалай қаражат алуға болады. 

Өз уақытыңызды үнемдеңіз және mobimoney.kz қызметін пайдалануды бастаңыз:

 

1.  mobimoney.kz порталын  немесе iOS немесе Android үшін мобильді қосымшаны ашыңыз;

2.   Қызметті таңдаңыз;

3.   Төлемнің мәліметтерін және сомасын енгізіңіз;

4.   Операцияны бір реттік SMS-кодпен растаңыз.

  

Хадиша Көшебе

 

  • Автор: Super User
  • Қаралды: 26

ӨЗГЕЛЕРГЕ ӨНЕГЕ

Арман қала – Астананың 20 жылдық мерейтойын тамашалауға әркім-ақ құштар болғаны рас. Бірақ бұл бақ кез келген адамға бұйыра қойған жоқ. Кейбіреулердің қолы қысқа болса, басқаларына уақыт тапшылығы, жұмысбастылық бөгет жасады. “APPLECity Distributors” компаниясы “Астана – арман қала” атты ынталандыру бағдарламасы аясында өздерінің үздік қызметкерлеріне мереке күндері кәсіпорын қаржысы есебінен елордаға саяхат жасау мүмкіндігін ұсынды. Сауда-саттықпен айналысатын фирма басшылығы үздіктерді соңғы төрт ай ішіндегі жұмыс нәтижесі бойынша іріктеді. Атап айтқанда, республика бойынша 671 қызметкердің ішінен еңбек өнімділігі ең жоғары екі супервайзер, бір жинақтаушы, логистика бойынша бір өңірлік директор, екі қойма жұмысшысы және неғұрлым көп қызмет көрсетіп, барынша мол тауар тасымалдаған 4 жүргізуші таңдап алынды. Олардың арасында Петропавл қаласындағы өңірлік өкілдіктің екі қызметкері де бар.

  • Автор: Super User
  • Қаралды: 16

ҮРЕЙ ТУДЫРАТЫН ҮЙЛЕР

Қызылжарға оңтүстік бағыттан кіретін көше Қожаберген жырау есімімен аталады. Оның бойында бір дәмхана, санаулы ғана тұрғын үй және қаладағы кәсіпорындардың бірінің қоймалары орналасқан. Сол көшедегі 2 қабатты, 8 пәтерлік №24 үйдің жол жақ қабырғасы көкшіл түсті тор материалмен қапталыпты. Содан бері арада біраз уақыт өткен, тор әр жерінен жыртыла бастаған. Әлгі үйдің іші одан да сорақы екен. Төменнен жоғары қарай көз жүгіртіп шықтым. Қабырғалары қопсып түсіп жатыр, төбе де солай, әр жері опырылған. №5 пәтердің есігін қақтым. Зейнет жасындағы Анна Рудзеевамен сөйлестім. Он үш жылдан бері тұратын баспанасы жайлы жыларман күйде баяндады. Үй салынғаннан бері арада табаны күректей жетпіс жыл өтіпті. Қамыс үйдің сырты бертін келе кірпішпен қапталған екен. Үйді он жылдан бері көктем шыға су басады. Тереңдігі екі метр болатын жертөле суға толып тұр. Апатты жағдайдағы үйдің жылу жүйесінен ажыратылып тасталғанына да талай жыл өтіпті. Анна Васильевнаның айтуына қарағанда, қыста үйді жылытуға 6 тонна көмір сатып алуға мәжбүр. Оған бір көлік отынды қосыңыз. Әйтеуір, үйге суық су келеді екен, соған да тәубе.

  • Автор: Super User
  • Қаралды: 25

Біздің мекенжайымыз: 150000. Қазақстан Республикасы, Петропавл қаласы, К.Сүтішев көшесі, 7-үй. Газет поштасы: This email address is being protected from spambots. You need JavaScript enabled to view it.

Яндекс.Метрика