АПАТТЫ АУЫЗДЫҚТАДЫ

Петропавл қаласында бір компанияға тиесілі екі нысанда өрт шықты. Облыстық төтенше жағдайлар жөніндегі департамент баспасөз қызметінің ақпараты бойынша кешкісін бройлерлік фабрика цехтарының бірінің шатыры өртенген.

Өртті сағат 23.44-те ауыздықтап, келесі тәулікте сағат 00.25-те толықтай сөндірген. Цехтың шатыры мен нысанның бірнеше қосалқы ғимаратындағы мүліктер зақымданған. Өртсөндірушілер 36 тонна өнім сақталып тұрған қойма өртінің алдын алды. Сонымен қатар екі салқындатқыш қондырғы мен компрессорды аман алып қалды.

Келесі күні қаланың басқа бөлігінде орналасқан осы заңды тұлғаға тиесілі құс күркесі жанып кеткен. Өрт сөндіруге жеке құрамның он сегіз адамы мен жеті арнайы техникасы тартылған. Өрт шатырдың жиырма шаршы метр ағаш торын ғана зақымдаған. Қазір өрттің шығу себебі мен одан келген шығын анықталып жатыр.

“Қызылжар-Ақпарат”.

Add comment


Security code
Refresh

Біздің мекенжайымыз: 150000. Қазақстан Республикасы, Петропавл қаласы, К.Сүтішев көшесі, 7-үй. Газет поштасы: This email address is being protected from spambots. You need JavaScript enabled to view it.

Яндекс.Метрика