БІР ОРЫНҒА ҮШ ҮМІТКЕРДЕН

2018 жылғы 28 қазан күні өтетін Есіл, Жамбыл, Қызылжар және Тайынша аудандық мәслихаттарының шығып қалған депутаттарының орнына өтетін сайлауға кандидаттарды тіркеу үстіміздегі жылдың 2 қазан күні аяқталды.

Округтің сайлау комиссиясы 12 кандидатты тіркеді, тіркелген кандидаттардың төртеуі “Нұр Отан” саяси партиясының атынан, қалған сегізі өзін-өзі ұсынғандар.

Тіркелген кандидаттардың орташа жасы – 35.

11 кандидаттың жоғары, біреуінің орта арнаулы білімі бар.

Есіл аудандық мәслихатының депутаттығына тіркелген кандидаттар: Асқар Абайұлы Байтоқов, Біржан Төлепбергенұлы Қойшыбаев, Самат Бейбітұлы Бидалин.

Жамбыл аудандық мәслихатының депутаттығына тіркелген кандидаттар: Әмина Әнуарқызы Ғалиева, Бегас Асқарұлы Тұяқов, Николай Иванович Волков.

Қызылжар аудандық мәслихатының депутаттығына тіркелген кандидаттар: Әлия Бақытжанқызы Нұрғалиева, Азамат Қозыбайұлы Нұрмолдин, Аманжол Ержанұлы Кебекбаев.

Тайынша аудандық мәслихатының депутаттығына тіркелген кандидаттар: Айгүл Бағдатқызы Әбдірахманова, Сәрсенбай Мұратұлы Бекшенов, Руслан Елшібайұлы Егімбаев.

Үстіміздегі жылғы 3 қазаннан бастап кандидаттар сайлауалды үгіт-насихат жұмыстарына кірісті, ол 26 қазан күнгі 24 сағатқа дейін жалғасады.

12 қазаннан бастап дауыс берушілер учаскелік сайлау комиссияларының ғимаратында сайлаушылардың тізімімен танысып, өздерінің тізімде бар-жоғын анықтап, қателіктер жіберілгені анықталып жатса, өзгерістер енгізе алады.

Сайлау науқаны сайлау заңнамалары нормаларының талаптарына сәйкес жүргізіліп жатыр.

Сайлау комиссиясына арыз-шағымдар түскен жоқ.

Солтүстік Қазақстан облыстық сайлау комиссиясы.

Add comment


Security code
Refresh

Біздің мекенжайымыз: 150000. Қазақстан Республикасы, Петропавл қаласы, К.Сүтішев көшесі, 7-үй. Газет поштасы: This email address is being protected from spambots. You need JavaScript enabled to view it.

Яндекс.Метрика