ДІНИ КІТАП ПАЙДА КӨЗІ ЕМЕС

Діни тақырыптағы әдебиеттерді таратуға заңмен шектеу қойылғанына қарамастан, кітап сатып, пайда тапқысы келетіндер кездеседі. Петропавл қаласының мамандандырылған әкімшілік соты “OLX.KZ” сайты арқылы Інжіл кітабын сатпақ болған азаматқа қатысты істі қарады.

Белгілі болғандай, облыстық ішкі істер департаментінің экстремизмге қарсы күрес басқармасы қызметкерлерінің интернетке мониторинг жүргізу барысында діни кітапты сату жөніндегі хабарландыруға көздері түседі. Петропавлдықты бұл қадамға материалдық қиындық итермелеген көрінеді. Сатылымға шығарылған Інжіл кітабының мазмұны еліміздің қолданыстағы заңына және өзге де нормативтік-құқықтық актілеріне кереғар келмейтіндігі анықталған. Десек те, заңнан аттауға болмайды. Сот шешімімен әлгі азамат Әкімшілік құқық бұзушылық туралы кодекстің 490-бабына сәйкес кінәлі деп танылып, 50 айлық есептік көрсеткіш көлемінде айыппұл төлеуге міндеттелді.

“Қызылжар-Ақпарат”.

Add comment


Security code
Refresh

Біздің мекенжайымыз: 150000. Қазақстан Республикасы, Петропавл қаласы, К.Сүтішев көшесі, 7-үй. Газет поштасы: This email address is being protected from spambots. You need JavaScript enabled to view it.