19 қазан, дүйсенбі күні шайбалы хоккейден “Pro Hokei Ligasy” атты тұрақты ел біріншілігі басталды. Кезекті маусымда 13 команда бақ сынауда.
Жарыстың бірінші туры аясында жергілікті “Qulager” командасы өз алаңында “Aqtobe” клубымен кездесті. Өткен жылғы біріншілікте жерлестеріміз ақтөбеліктерді бес матчта ұтып, бір рет қана есе жіберген еді. Алғашқы күнгі кездесуде петропавлдықтар 2:3 есебімен жеңіліс тапса, қарымта матчта 5:1 есебімен басым түсті. Жерлестеріміздің арасынан Станислав Логинов, Евгений Попитич, Федор Хорошев, Ильгиз Нуриев, Денис Стасюк және Дмитрий Исмагилов мергендік танытты.
Қоржынында 4 ұпайы бар петропавлдық ұжым келесі кездесуін атыраулық “Beibarys” клубына қарсы өткізеді.
Қанат АТАМАНОВ,
“Soltústik Qazaqstan”.