БІРЫҢҒАЙ ЖИЫНТЫҚ ТӨЛЕМ ДЕГЕНІМІЗ НЕ?

2019 жылдан бастап өзін-өзі жұ­мыс­пен қамтыған азаматтар ай са­йын бірыңғай жиынтық төлемін (БЖТ) төлеуі тиіс. БЖТ-ның ай са­йынғы мөлшері қала тұрғындары үшін – 1 , ауыл тұрғындары үшін – 0,5 айлық есептік көрсеткіш.

Өзін-өзі жұмыспен қамтушы аза­маттар БЖТ-ны төлеушілер болып танылады және олар мынадай шарт­тарға сәйкес келу қажет: жал­дамалы қызметкерлердің еңбегін пайдаланбайды; акцизделетін өнім­дерді қоспағанда, салық агенттері болып табылмайтын жеке тұлғалар­ға ғана қызмет көрсетеді және (не­месе) салық агенттері болып табыл­майтын жеке тұлғаларға ғана акциз­делетін өнімді қоспағанда өз өнді­рісінің жеке қосалқы шаруа­шылы­ғының ауыл шаруашылығы өнім­дерін өткізеді.

Бұл ретте БЖТ-ны төлеушілер табысының мөлшері жылына 1175 АЕК-тен аспауы тиіс. БЖТ-ны табыс алынған әр ай үшін жеке-жеке төлеу қажет. Сондай-ақ, келесі айларға аванс ретінде төлеу мүмкіндігі бар.
БЖТ-ны Қазақстанның кез келген банк кассаларында, олардың мо­биль­ді қосымшаларында, сондай-ақ, “Қазпошта” бөлімшелерінде төлеуге болады. Ол үшін өзінің жеке куәлігін көрсетіп, “Аза­мат­тарға арналған үкімет” МК КЕАҚ банктік шотына төлем жүргізу қажет.
Бірыңғай жиынтық төлем сома­сын “Азаматтарға арналған үкімет” МК КЕАҚ мынадай пропорцияда бөледі:
10 пайыз – жеке табыс салығы (ЖТС);
20 пайыз – әлеуметтік аударымдар (ӘА);
30 пайыз – міндетті зейнетақы жарналары (МЗЖ);
40 пайыз – міндетті медициналық сақтандыруға аударымдар (МӘМС).
Дербес жұмыспен қамтылған жеке тұлғаларға БЖТ-ны төлеуде мынадай артықшылықтар бар: мін­детті әлеуметтік медициналық сақ­тандыру жүйесінің қатысушысы бо­луға; зейнетақы жинақтарын жүргізу­ге мүмкіндік және зейнетақы жүйесі­не қатысу өтіліне байланысты база­лық зейнетақы төлемін алуға құқық береді; еңбек ету қабілетінен немесе жұмысынан, сондай-ақ, асыраушы­сынан айырылған, жүктілік пен боса­ну, бала асырап алған, 1 жасқа де­йін­гі бала күтімі жағдайларында әлеу­меттік төлемдер алуға мүмкін­діктер береді.

Ерназар НҰРҒАЛИЕВ,
“Азаматтарға арналған үкімет” мемлекеттік корпорациясы” КЕАҚ Солтүстік Қазақстан облысы бойынша филиалының пиар-менеджері.  

Сурет https://24.kz/ сайтынан алынды.