Халықаралық есірткімен күрес күніне орай қала орталығындағы алаңда көпшілік шара өтіп, оның арты концертке ұласты. Аудандардан келген өнерпаздар сахнада ән салып, би биледі. Ұйымдастырушылар осындай шаралар арқылы есірткінің зиянын түсіндіріп, жастарды саламатты өмір салтын ұстануға шақыруды көздеген.
– Бір ай ішінде облыста түрлі іс-шара ұйымдастырылды. Жүгіру акциясын, семинар, кинокөрсетілімдер мен дәрістер өткіздік. Бүгінгі шара арқылы көпшілікке есірткісіз өмірдің мағыналы болатынын көрсеткіміз келді, – дейді «Болашақ» қорының басшысы Жанат Кәкімов.
Жиналғандар концертпен қатар отты шоу және қызметтік иттердің көрсетілімін тамашалады. Бүгінде өңірдегі тәртіп сақшыларының қолында 54 ит бар. Шарада көпшілік қызметтік иттердің жасырылған есірткіні тауып, иесін ұстау жаттығуын тамашалады.
Диас АЯҒАН,
«Soltüstık Qazaqstan».