КӨМЕК КЕШІКПЕЙ ЖЕТТІ

Өткен сейсенбі күні Жамбыл ауданындағы Пресновка ауылының № 11 өрт сөндіру бөліміне жолдың бораннан жабылуынан Айтуар ауылының ауыр сырқаттанған екі тұрғыны ауруханаға жете алмай отырғандығы жөнінде хабар түсті. Благовещенка ауылының өртсөндіруші-құтқарушылары «КамАЗ» автомашинасымен шұғыл түрде жолға шықты. Қызметкерлердің жедел қимылының арқасында ауырып қалған екі әйел Благовещенка ауылының ауруханасына уақытылы жеткізілді.