Аяулы аналардың нәзік жүрегі сүйген жарына, перзентіне, туған жері мен Отанына деген махаббатқа толы. Тіршілік атаулыға мағына, мән беріп, дүниені пәк қалпында ұстап тұрған – арулардың жүрегіндегі ізгі сезімдер. Сол үшін біз оларды ерекше құрметтейміз.
Қазақ әйелі – ең әуелі, ардақты ана, отбасының сақтаушысы. Ол дүниеге әкелген перзенттеріне тәлім-тәрбие беру жолында жан жылуы мен жүректегі мейрімін аяған емес. Балалар біздің болашағымыз десек, аналарымыз сол жас ұрпақтың бойына адалдық, шыншылдық, адамгершілік, имандылық пен отансүйгіштік сияқты асыл қасиеттерді дарытып жүр. Бүгінде еліміздің өсіп-өркендеуі жолында аянбай еңбек етіп жүрген арулар да баршылық. Спорт саласында үлкен жетістіктерге жеткен нәзік жандар қатарының жыл сайын көбейіп отырғандығы да көңіл қуантады.
Қымбатты ханымдар! Сіздерге зор денсаулық, қажымас қайрат, отбасылық бақыт пен қызметтеріңізге сәттілік тілеймін! Жүздеріңізден күлкі, көңілдеріңізден қуаныш кетпесін!
Алтынбек АУСАҒИТОВ,
“Қызылжар барысы” турнирінің жеңімпазы.