“Дарын” ғылыми-практикалық орталығының ұйымдастыруымен өткен республикалық “Үздік авторлық бағдарлама” байқауының қорытындысында солтүстікқазақстандық мұғалімдердің де мерейі үстем болды.
Талантты оқушылармен жұмыс істеудің тәжірибелік үлгілерін насихаттауды діттеген конкурсқа өңірден ұсынылған 27 авторлық бағдарламаның 22-сі ақтық кезеңге жолдама алып, түрлі марапаттарды иеленді. Солардың қатарында Ғабит Мүсірепов атындағы ауданының орталығындағы Новоишим қазақ мектебінің мұғалімі Әсемгүл Қожахметова мен “ЛОРД” дарынды балаларға арналған лицей-интернаттың ұстазы Марат Жәпенов екінші орынды қанжығасына байласа, үшінші орынға Петропав қаласындағы С. Шәймерденов атындағы классикалық гимназияның мұғалімі Клара Балабекова, Айыртау ауданы №1 Саумалкөл орта мектебінің ұстазы Светлана Губанова лайық деп танылды.
Әсел МҰҚАШЕВА,
облыстық білім беру саласындағы әдістемелік және ақпараттық орталықтың аға әдіскері.