Облыстық полиция департаментінің бастығы, полиция полковнигі Марат Төлебаев жуырда саптық бөліністердің жеке құрамымен кездесті. Кездесу патрульдік және жергілікті полиция бөліністерінде сыбайлас жемқорлық қауіптерінің алдын алу және заңдылық пен тәртіптің сақталауын қамтамасыз ету мақсатында өткізілді. Департамент бастығы офицерлерге нақты міндеттер жүктеді, бұл адамдардың қауіпсіздігін қамтамасыз ету бойынша жұмыс тиімділігін арттыруға, полиция мен азаматтық қоғам арасында ашық диалогты нығайтуға ықпал етеді.
– Қыркүйек айында патрульдік полиция қызметкерлеріне қатысты анықталған сыбайлас жемқорлық құқық бұзушылығының фактісі тәртіптік комиссияның отырысында қаралды. Әкімшілік жауапкершіліктен жалтарту үшін пара алған күдікті қызметкермен қатар, тікелей басшыларына да қатаң шаралар қолданылды, – деді облыстық полиция департаментінің бастығы. Жыл басынан бері облыс аумағында бес полиция қызметкері сыбайлас жемқорлық құқық бұзушылығын жасаған. Олардың арасында патрульдік полиция қызметкерлері де бар.
Марат Төлебаев кез келген сыбайлас жемқорлық көріністеріне және басқа да заңсыз әрекеттерге қолайлы жағдай туғызатын факторларды болдырмау қажет екенін атап өтті. “Алып жүретін бейнетіркеуіштерді қызметте пайдаланбау және бекітілген маршруттан ауытқу фактілеріне жол берілмеуі керек. Патрульдік автокөліктердегі дыбыс пен бейнені түсіретін камералар полиция жұмысының айқындылығына ықпал етуі тиіс”, – деді полиция ведомствосының бастығы. Сондай-ақ, полицияның міндеті ықпал ету шараларын қабылдау ғана емес, адамдарға олардың құқықтары мен мүдделерін қорғауға қатысты кез келген мәселелер бойынша көмек көрсету екенін атап өтіп, халықпен байланыс қажеттігіне баса назар аударды.
Мәдина БАЛҒАШОҚОВА,
облыстық полиция департаменті ішкі және сыртқы коммуникациялар бөлімінің бастығы.