Кеше Астанада өткен жалпыұлттық телекөпiр барысында Елбасы Нұрсұлтан Назарбаев Петропавлдағы пластик өнімдері зауытын iске қосты.
Заманауи зауыт Қазақстандағы пластикті толық өңдей алатын жалғыз өндiрiс ошағы болып табылады. Қайталама шикiзат елiмiздiң бүкiл өңiрлерiнен және Ресейдiң көршiлес облыстарынан жиналады. Жаңа зауыт «қарапайым заттар экономикасы» бойынша жұмыс iстеп, халық күнделiктi тұрмыста тұтынатын шелек, кесе, су құйғыш, қоқыс қаптары сияқты өнiмдерді шығарады. Кәсiпорын жылына 20 мың тонна өнiм өндiріп, 180 адамды жұмыспен қамтамасыз етеді.