“Нұр Отан” партиясының республикалық сайлауалды штабы Ақмола облысында болды. Штаб жетекшісі, партия Төрағасының бірінші орынбасары Асқар Мырзахметов бастаған делегация өңірдегі көш бастап келе жатқан агрофирмаға барды. Сондай-ақ, РСШ мүшелері облыстық шығармашылық интеллигенция және этномәдени орталықтарының өкілдерімен, денсаулық сақтау мен темір жол салаларының еңбеккерлерімен кездесті, деп хабарлады партияның баспасөз қызметінен.
Делегация құрамына Парламент Мәжілісінің V шақырылымдағы депутаты Сергей Дьяченко, “Ұлттық ғылыми медициналық орталығының” директоры Абай Байгенжин, “ҚТЖ” ҰҚ вице-президенті Роман Скляр, “Ауыл шаруашылығы ардагерлер кеңесі” қоғамдық бірлестігінің төрағасы Михаил Трошихин, театр және кино актері Нұрлан Әлімжан, “Қазақстан барысы” даму фонды қамқорлар кеңесінің төрағасы Арман Шораев және т.б. кірді.