Сапар барысында ауданның кәсіби спорттағы әлеуетін көтеретін орталық стадионды жаңарту жұмысы да, қиыршықтас төселген көшелердің бүгінгі жайы да назардан тыс қалмады. Өңір басшысы аталған ауданға қарасты Рассвет және Семипалатное елдi мекендерiндегі ауылішілік жолдардың жай-күйiмен танысты.
– Үстіміздегі жылы “Жұмыспен қамтудың жол картасы – 2020” бағдарламасы аясында 311 елдi мекендi абаттандыру үшiн қаражат бөлiндi. Жарықтандыру жұмысы қолға алынып, елдi мекен iшiндегi жолдар жөнделуде. Сондай-ақ, спорт нысандарының құрылысы жүргiзілуде, – деп атап өттi Ерiк Сұлтанов.
Жұмыс сапарының соңында облыс әкімі Есіл ауданындағы Чириковка ауылына да ат басын бұрды. Мұнда тұрғындарды ағын судан қорғау үшін ауылдың сыртына топырақ үйіліп, айналма арна салынуда.
Облыс әкімінің
баспасөз қызметі.
Суретті түсірген
Виталий ВЛАСЕНКО.