АЛАЯҚ ҰСТАЛДЫ

Облыста несие рәсімдеуге көмектесемін деп тұрғындардың қаржысын жымқырған алаяқ әйел ұсталды. Ол тегін хабарландырулар сайтында өз қызметін ұсынып, “Qiwi” әмиян арқылы алдын ала төлемді алған соң, байланысты мүлдем үзіп отырған. Жедел іздестіру шараларының нәтижесінде 33 жасар Қызылорда облысының тумасы ұсталды. Күдіктіден жәбірленушілердің абоненттік нөмірлері жазылған ұялы телефон, ноутбук тәркіленіп, Қылмыстық кодекстің 190-бабы (”Алаяқтық”) бойынша тергеу амалдары жүргізілуде.