Көкшетау қаласында ауыр атлетикадан Қазақ КСР-нің еңбек сіңірген бапкері Владимир Пакты еске алуға арналған халықаралық жарыс өтті. Оған еліміз бен Қырғызстан мемлекетінен 150-ге тарта спортшы қатысты.
Ауыр атлетикамен айналысқанына бір жыл ғана болған солтүстікқазақстандық Андрей Тарахтий қоссайыс нәтижесінде 110 килограмды бағындырып, жеңімпаз атанды.
Аталмыш додада жерлестеріміз 6 алтын, 3 күміс және 3 қола медальды еншіледі.