Мемлекеттік қызмет істері агенттігінің Солтүстік Қазақстан облысы бойынша департаменті мемлекеттік қызмет саласындағы бақылау басқармасының басшысы Бақыт Жанбұлов пен облыстың әдеп жөніндегі уәкілі Сейілхан Серікбаев бірлесіп, жергілікті атқарушы органдардың мемлекеттік қызметшілері үшін Әдеп кодексін сақтау бойынша семинар өткізді.
Іс-шарада мемлекеттік қызмет туралы заңнаманың және мемлекеттік қызметшілердің Әдеп кодексінің талаптары түсіндірілді. Сонымен қатар мемлекеттік қызметкерлердің артық жұмыс істейтіні талқыланып, еңбек құқықтарының бұзылуын болдырмау мақсатында үстеме және демалыс, мереке күндері жұмыс істегенде өтемақы төлеу қажеттілігі айтылды.
Мемлекеттік қызметшілер арасында артық жұмыс істеу өзекті мәселе болып қала бермек. Сондай-ақ семинар барысында мемлекеттік қызметшілердің мемлекеттік саясаттың мақсаттарына қол жеткізуге бағытталған әкімшілік, басқарушылық және үйлестіру міндеттерін орындайтыны атап өтілді. Олардың қызметі тәртіпті сақтауға, заңдарды іске асыруға және әлеуметтік- экономикалық даму үшін қолайлы жағдайларды қалыптастыруға ықпал етеді.
Диана САЛҒАРИНА,
Мемлекеттік қызмет істері агенттігі Солтүстік Қазақстан облысы бойынша департаментінің бас маманы.