АТА-АНАҢДЫ ҚАДІРЛЕ

Еліріп қарының тоқтығына,
Тәубе етпей уайымның жоқтығына
Әке менен шешені лақтыра сап,
Ұмтылады дүние-мүлік боқтығына.
 
Сыпайы сәлемдесіп иіледі,
Көре алмай бірін-бірі күйінеді
Айтыңдаршы есің болса, о ағайын,
Не деген ары барға күйік еді.
***
Жас та болсам ағайын,
Қоңырауын әлем қағайын
Жүректе жатқан шеріңнің,
Тамырын басып, табайын.
Ыстық жас көрдім анадан
Бөлмеге жалғыз қамалған.
Болмаса қарттар үйінде,
Жаны тыныш саналған.
Үрей көрдім баладан
Бақытынан тоналған,
Ана сүтін ембеген,
Хабар күткен жаутаңдап,
Шешесінен жоғалған.