Облыстық мәслихаттың 22-ші кезектен тыс сессиясында алты мәселе қаралды. Мемлекет басшысы Қасым-Жомарт Кемелұлы Тоқаевтың «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауында өңірлерді дамытудың ұлттық жобасы шеңберінде бес жыл ішінде қала мен ауылды 100 пайыз таза ауызсумен қамтамасыз ету міндеті қойылды.
Облыстық бюджетті нақтылаудың негізгі мақсаты жыл соңына дейін 7,4 мың тұрғыны бар 88 ауылдық елді мекенді таза ауызсумен қамтамасыз етуге қаржы бөлу болды. Осыған байланысты облыстық қаржы басқармасы жыл басында пайда болған бос қалдықтарды бөлу есебінен бюджеттің кіріс бөлігін 2 млрд. теңгеден астам және облыстық полиция департаментінің әкімшілік айыппұлдарының нақты түсімдерін ұлғайту есебінен 117 млн. теңге мөлшерінде салықтық емес түсімдерді ұлғайтуға бастамашылық жасады.
Сондай-ақ депутаттар облыс әкімінің «Зенченко және К» КС бас директоры Геннадий Геннадьевич Зенченкоға «Солтүстік Қазақстан облысының құрметті азаматы» атағын беру туралы ұсынысын қарады.
Сессияда облыстық тексеру комиссия-сының мәселелері, облыс әкімдігі жанындағы үкіметтік емес ұйымдармен ынтымақтастық және өзара іс-қимыл жөніндегі кеңестің дербес құрамы, сондай-ақ полиция қызметкерлерінің лауазымдық жалақыларына үстемеақылар ту-ралы шешімге енгізілетін өзгерістер талқы-ланды.
Күн тәртібіндегі барлық мәселелер тұрақты комиссиялардың бірлескен отырысында алдын ала талқыланып, тиісті шешімдер қабылданды.
Облыстық мәслихаттың баспасөз қызметі.