Еліміз бойынша 20 жүкті әйел түзету мекемелерінде жазаларын өтеп жатыр. Олардың бәріне ортақ бір ғана балалар үйі бар. Мекеме Алматы облысындағы Жауғашты елді мекенінде орналасқан.
Енді осындай орын облыс аумағындағы әйелдер колониясында бой көтеретін болады. Ондағы мақсат – ана мен нәрестені бір-бірінен ажыратпау, яғни шақалақ үш жасқа дейін анасының жанында болады.
«Онда сәбилердің толыққанды өмір сүруіне барлық жағдай жасалады. Атап айтқанда, медицина қызметкерлерінің, педагогтар мен тәрбиешілердің тұрақты бақылауына алынады», – делінген Қылмыстық атқару жүйесі комитеті жергілікті департаменті таратқан ақпаратта.
Рабиға ЕРАЛЫ,
«Soltüstık Qazaqstan».