Бүгін Петропавлда «Бала дауысы» ұлттық ән байқауына қатысуға ниет білдіргендерді іріктеу туры өтеді.
Биыл төртінші рет 8-12 жастағы балалар арасында өтетін бұл байқау Әлия Назарбаеваның «Жандану әлемі» қорының авторлық жобасы. Петропавлдық жас әншілердің қабілет-қарымын «SuperStar KZ» тележобасының жүлдегері Әділжан Омаров бастаған қазылар алқасы бағалап, байқаудың ақтық сайысына жолдама береді.
Іріктеу бұған дейін еліміздің 9 өңірінде өтіпті.Облыс орталықтары мен республикалық маңызы бар қалалардың 17 өкілі алдағы күзде байқаудың Алматыда өтетін финалында өнер көрсетеді.