Облыс орталығында «Бала дауысы – 2019» балалар ән байқауының іріктеу кезеңі басталды.
Еліміздегі балалар арасындағы ең ауқымды байқау жыл сайын Тұңғыш Президент – Елбасы қоры мен Мәдениет және спорт министрлігінің қолдауымен өтеді. Өңіріміздегі талантты өрендердің өнерін бағалайтын әділ қазылар алқасының құрамында танымал әнші, «SuperStar KZ» телебайқауының жүлдегері Әділжан Омаров бар. Төртінші маусымның іріктеу кезеңдері қазір тоғыз облыста өтуде. 8 бен 12 жас аралығындағы таланттарды таңдау 22 мамырға дейін жалғасады. Іріктеуге қатысқан әрбір бала естелік сыйлықтар мен дипломдарға ие болып, байқау күнделіктерінің түсірілімдеріне қатысады.
Толығырақ газетіміздің келесі санынан оқи аласыздар.