Бұл жайында “Фейсбуктегi” өз парақшасында облыс әкiмi Құмар Ақсақалов мәлiмдедi.
«Президенттiң тапсырмасына орай бiз жинақы әрi тиiмдi мемлекеттiк аппарат құрып жатырмыз. Осыған байланысты облыс басқармаларын қайта ұйымдастыру жұмыстары жүргiзiлуде.⠀
Жұмылдыру даярлығы және азаматтық қорғау басқармасы жойылады. Дiн iстерi басқармасы мен мемлекеттiк сатып алулар басқармасы құрылды.⠀
Жастар саясаты басқармасы iшкi саясат басқармасына қосылды. Жер қатынастары басқармасы ауыл шаруашылығы басқармасына қосылды.
Кәсiпкерлiк және туризм басқармасы индустриялық-инновациялық даму басқармасына қосылды.⠀
Тiлдердi дамыту басқармасы мен мәдениет, архивтер және құжаттама басқармасы бiрiктiрiлдi. Бұл толық ойластырылған шешiм. Мәдениет және тiл — бiр-бiрiмен тығыз байланысқан ұғымдар. Екi басқарманы бiрiктiре отыра, бiз өңiрдегi тiл саясатын жаңа деңгейде дамыта аламыз. Бiрiккен басқарманың жұмысына қосымша қазақ тiлi мамандары тартылады. Сондай-ақ, тiлдердi дамытуға бөлiнетiн қаржы көлемi өсе түспек», — деп жазды Құмар Ақсақалов.
Облыс әкімінің баспасөз қызметі.