Сәбит Мұқанов атындағы облыстық қазақ сазды драма театрының труппасы республикалық фестивальде жеңіске жетті.
Өскемен қаласында «Дарын» мемлекеттік сыйлығының иегері, режиссер, актер, ақын Рүстем Есдәулетовті еске алуға арналған II республикалық театр фестивалі аяқталды. Фестивальға ұсынылған «Шолпанның күнәсі» қойылымы үшін солтүстікқазақстандық сахнагерлер бас жүлде мен 1 млн.теңгеге ие болды. Мағжан Жұмабаевтың бұл прозалық туындысы ақиық ақынның 125 жылдық мерейтойына орай биыл алғаш рет сахналанған болатын. Республикалық фестивальде тоғыз театр өнер көрсетті.