Бас прокуратура өкілдері «СевКазЭнерго» АҚ-да жүргізген тексерулерден кейін жарық пен жылу бағасы төмендетілді.
Қарашаның 1-нен бастап солтүстікқазақстандықтар коммуналдық қызметтерге бұрынғыдан азырақ шығынданады. Монополист-кәсіпорынның жаңа тарифі бойынша жеке тұлғалар енді 1 квт/сағат электр қуаты үшін 13,22 теңгенің орнына 11,8 теңге төлейтін болады. Есептегіш құралдар орнатылған көпқабатты үйлердің тұрғындары үшін 1 гигокалория жылудың ақысы 3034,30 теңге болып белгіленіп, 34 теңгеге дейін арзандады.