БАҚЫТҚА АСЫҒУ

Өмір алда биігі, белесімен,
Жеңілісі, қызықты жеңісімен,
Өзгеден ерек бақытты сұрамаймын
Бақытқа бірақ ұмтылмай тұра алмаймын.
 
Кей кезде қара бұлтпын қабақ түйген,
Кей сәтті бір сорлымын аузы күйген,
Бірақ та сеземін достарымның
 көзқарасын,
Тағдыр мырза осыған бақыт үйген.
 
Бар менің қателігім, кемшілігім,
Болмас-ау онсыз қызық тіршілігім,
Бір ісіме мұңайып сәл түңілсем
Бір ісімнен қуанып, тебіренем.