Бизнесті қолдау үшін жыл сайын кемінде 30 млрд теңге бөлінеді.
Нұрсұлтан Назарбаев Қазақстан халқына Жолдауында 2010 жылы іске қосылған «Жол картасы-2020» бағдарламасының жүзеге асырылуын 2025 жылға дейін созып, осы мақсатта жыл сайын қосымша 30 млрд теңге қарастырылуы керектігін айтты. Бұл шаралар үш жылдың ішінде қосымша 22 мың жұмыс орнын ашуға, бюджетке қосымша 224 млрд теңге алуға мүмкіндік береді.
Сондай-ақ, жаңа жылдан бастап шағын және орта бизнеске салықтық амнистия жарияланады.
«Бизнес жұмысын таза парақтан бастау үшін 2019 жылдың 1 қаңтарынан шағын және орта бизнес үшін салықтық амнистия жүргізуге кірісуді тапсырамын», – деді Елбасы.