БҰҒЫ АТҚАНДАР ҰСТАЛДЫ

Айыртау ауданында бұғы атқандар ұсталды. Заря селосының екі тұрғыны “Көкшетау” ұлттық мемлекеттік саябағының Шалқар филиалы аумағында заңсыз аңшылықпен айналысқан. Браконьерлік үшін ұсталған күдіктілер 1984 және 1994 жылы туған. Олардың біреуінің үйінен бөлшектелген бұғы еті, ал орманнан терісі, басы, ішек-қарындары табылды. Сондай-ақ, тіркелмеген ату құралдары, пышақ, балта және шаңғылар тәркіленді. Аталған іс бойынша Қазақстан Республикасының Қылмыстық кодексінің 337-ші бабы (“Заңсыз аңшылық”)бойынша тергеу жұмыстары жүргізілуде. Қылмыстары дәлелденген жағдайда, 5 мың айлық есептік көрсеткіш көлемінде айыппұл салынып, 5 жылға дейін бас бостандығынан айыру жазасы қарастырылған.