Қызылжар өңіріндегі бюджеттік ұйымдар бүгінгі күні көмірмен толық қамтамасыз етілді.
146 мың тонна қатты отын мекемелерге толық жеткізілген көрінеді. Ал жеке үйде тұратын тұрғындардың қажеттілігі 384 мың тонна болса, әзірге оның 58 % ғана дайындалыпты. Көмірдің бір тоннасының бағасы 8 600 — 14 200 теңге аралығында екен. Мамандардың айтуынша, сұраным жоғары Шұбаркөлдің көмірі жеткілікті мөлшерде қоймаларға түскен. Петропавлдағы жылу-электр орталығына отын кесте бойынша тасымалдануда. Бүгінгі күні қоймаға 175 мың тоннасы жеткізілген.