Петропавлдағы Достық үйінде «Астана – бейбітшілік бесігі» тақырыбында қазақ тілінде диктант өткізілді.
«Мың бала» мәдени-ағарту жобасы аясындағы жалпыреспубликалық диктант мемлекеттік тілді насихаттау, оның мәртебесін арттыру мақсатында биыл екінші рет ұйымдастырылып отыр.Жазба жұмысы тексеріліп, қорытындысы Астанаға жіберіледі. Ал диктантқа қатысқандардың барлығына сертификаттар табыс етілді. Өткен жылы мұндай ашық диктантқа 4 мыңнан астам солтүстікқазақстандық қатысып, қазақша жазу сауаттылығын сынаған екен.