Биыл облыстық полиция департаментінің экстремизмге қарсы іс-қимыл басқармасының мамандары діни қызмет пен діни бірлестіктер саласындағы 16 әкімшілік құқық бұзушылықты анықтады. 11 адам жалпы сомасы 1 миллион 33 мың теңге айыппұл түріндегі әкімшілік жазаға тартылды.
Солардың қатарында жергілікті атқарушы органдардың рұқсатынсыз діни әдебиеттерді таратқан төрт петропавлдық азамат бар. Әкімшілік іс жүргізу материалдары көрсеткендей, олар “OLX” интернет-ресурсы арқылы діни кітаптарды, діни мазмұндағы ақпараттық материалдарды таратумен айналысқан. Енді олар 400 мың теңгеден астам айыппұл төлеуге мәжбүр.
Нұрбек БАЕКИН, облыстық полиция департаменті баспасөз қызметінің бас маманы.