Егер басқалардың өзіңізге назар аударғанын қаласаңыз, мына кеңестерді естен шығармаңыз:
* Үлкен салпыншақ сырға мен жалпақ қалың білезік тағудан және ұзын шашыңызды жайып жүруден аулақ болыңыз.
* Мүмкіндігінше сапалы киім алуға тырысыңыз.
* Жұмыста өткір иіссу жағудың қажеті жоқ. Сізден үнемі тазалық сезіліп, жағымды иіс аңқып тұруы тиіс.
Кескін-келбетті ашып, ажарландыра түсетін киімдерді талғамға сай кигіңіз келсе, төмендегі кеңестерге назар аударыңыз:
* Дұрыс таңдалған қалпақ немесе орамал сіздің киіміңізбен тұтасып қана қоймай, бет-әлпетіңіз бен шашыңызды да ажарландыра түсері сөзсіз. Кез келген бас киім үстіңіздегі киімнің қолданысына сәйкес болуы керек.
* Әдемі сөмке барлық киімді толықтыра алады. Оларсыз жүру мүмкін де емес. Ең бастысы қолыңызға ұстаған сөмкеңіз қарапайым, ыңғайлы, түсі мен түрі жағынан киіміңізге сәйкес болуы керек.