Бүгінгі таңда Қазақстан Республикасындағы Дәрілік заттар мемлекеттік тізіліміне әлемнің 80-нен астам мемлекетінің 7 мыңнан астам дәрілік заттары енгізілген. Ал олардың сапасы қандай?
Дәрілік заттардың сапасы мен қауіпсіздігін қамтамасыз етуге біздің елімізде айрықша көңіл бөлінеді. Дәрілік заттардың сапасы, қауіпсіздігі және әрекеттілігі расталатын мемлекеттік тіркеу үрдісінің өзі біздің нарығымызда сапасыз және қауіпті препараттардың пайда болуына жол бермейді десек қателеспейміз. Мемлекеттік тіркеу кезінде фармацевтикалық фирманың ұсынған барлық құжаттарын сараптауды (алғашқы сараптама) қоса алғанда, дәрілік заттарға толық сараптама жүргізіледі.
Отандық препараттар кәсіпорынның оларды өндіруге қажетті барлық жағдайлары бар екендігін куәландыратын тиісті лицензиясы бар зауыттарда шығарылуы тиіс. Бүгінгі күннің өзінде төрт отандық өндіруші учаскесінің тиісті өндірістік практика (GMP) халықаралық стандартына сәйкестігі туралы қорытындысының болғандығы қуантады.
Емделуші препаратты сатып алған сәттен бастап, дәрілік заттың сапасы мен қауіпсіздігінің сақталуы оның үй жағдайында дұрыс сақталуына, ал емделудің тиімділігі оның дұрыс қолданылуына байланысты болады. Қазақстан Республикасының аумағында дәрілердің тіркелгендігі, оларды дұрыс қолдану, басқа да көптеген мәселелер бойынша жауаптар алу үшін 8 800 08 88 87 тегін нөмірі бойынша Call қызметімізге хабарласуыңызға немесе сұрақ қою мүмкіндігі қаралған біздің www.druginfo.kz сайтымызға жүгінуге болады.
Айсұлу АХИМОВА,
Дәрі-дәрмек ақпараттық -талдау орталығының басшысы.