“Астана қаласында белбеу күресінен ел біріншілігі аяқталды. 140 спортшы қатысқан сайыста 5 жерлесіміз өңір намысын қорғады”, – деп хабарлады облыстық дене шынықтыру және спорт басқармасының баспасөз хатшысы Анна Пенькова.
Жарыс барысында 52 килограмм салмақта өнер көрсеткен Кристина Яловенко боз кілемде кездескен үш қарсыласынан да басым түскен. Ал 75 килограмда белдескен тағы бір жерлесіміз Жасұлан Құрманғалиев үшінші болды.
Қазіргі уақытта Кристина маусым айында Түрікменстанның Ашхабад қаласында және қыркүйекте Ресейдің Қазан қаласында өтетін Азия мен әлем біріншіліктеріне дайындықты бастады.
(Өз тілшіміз).