Қазақстан және Ресей Президенттерінің қатысуымен Петропавлда өтетін 15-ші өңіраралық форум қонақтарын қарсы алуға 200-ден астам ерікті көмектесетін болады.
Адамдармен тез тіл табыса алатын, облыс, қала тарихын жақсы білетін жастарды еріктілер қатарына қабылдау жалғасуда. Арнайы шақырылған тренерлер, психологтар олармен жұмыс жүргізіп, түрлі бағыттар бойынша даярлауда. Олардың арасында бұған дейін «ЕХРО-2017» көрмесі, футболдан «Er Janibek cup» халықаралық турнирі сияқты маңызды шараларға қатысып, әжептәуір тәжірибе жинақтаған еріктілер де бар.