Құрметті солтүстікқазақстандықтар!
“Қазгидромет” РМК мәліметтері бойынша 2014 жылғы желтоқсанның 6-7-сі күндері Солтүстік Қазақстан облысында қар жауып, бұрқасындатады, оңтүстік-батыстан соғатын күшті желдің бағыты солтүстік-батысқа ауысып, жылдамдығы кей жерлерде секундына 25 метрге дейін жетуі мүмкін деп болжанып отыр. Сондай-ақ, ауаның температурасы түнде 26-31 градус, кей жерлерде 34 градусқа дейін аяз болады деп күтілуде.
Солтүстік Қазақстан облысының төтенше жағдайлар жөніндегі департаменті тұрғындардың қалыпты тіршілігін қамтамасыз ету және төтенше оқиғалардың алдын алу үшін шаралар қолдануды ұсынады.
Облыстық төтенше жағдайлар жөніндегі департаменттің баспасөз қызметі.