“Жас Отан” жастар қанаты облыстық филиалы және жастар мәслихаты мамандарының ұйымдастыруымен Петропавлдағы №2 мектепте “Нашақорлық – қауіпті індет, жою – міндет” тақырыбында шара өтті. Жиынға оқушылар, жұмысшы жастар және мұғалімдер қатысты.
Жиынды ашқан жастар мәслихаты ұйымының төрағасы Абылайхан Қайроллаев есірткінің дүниежүзі мемлекеттерінің тамырына балта шабатын қауіпті дерт екенін айта келіп, оны жою жастардың, жеткіншектердің күшімен еңсерілетінін жеткізді.
Облыстық наркологиялық орталықтың нарколог-дәрігері Игорь Батырев адам денсаулығының қас жауы – темекінің шығу тарихына тоқталып, есірткі заттарының адамды уақытша рахатқа бөлеп, кейін дәрменсіздікке, тәуелділікке ұшырататындығын емдеу тәжірибесінде кездескен мысалдармен шынайы баяндады.
(Өз тілшіміз).