Үстіміздегі жылдың басынан бері облыста 8 жол-көлік оқиғасына кінәлілер апат орнын тастап кеткен. Оның 5-нде материалдық шығын, 3-нде денсаулыққа жеңіл зиян келтірілген.
Өткен жылы өңірде осындай 306 іс тіркелген. Оның салдарынан 1 адам ауыр жарақат алып, 3 адам қайтыс болған.
— Полиция қызметкерлері оқиға орнын мұқият зерттеп, куәгерлерді тыңдайды, көшедегі бейнебақылау құралдарын толық тексеріп шығады. Сондықтан жазадан ешкім құтылмайды, – дейді жергілікті полиция қызметінің іздестіру бөлімінің бастығы Мадияр Харипов.