Бүгін Манаш Қозыбаев атындағы Солтүстік Қазақстан мемлекеттік университетінде әлем чемпионы, боксшы Жанат Жақиянов туралы деректі фильмнің тұсаукесері болады.
Фильм кәсіби рингте өткен 28 жекпе -жектің 27-сінде жеңіске жеткен 33 жастағы Жанаттың спорттық өмірбаяны, жетістіктері туралы жан-жақты мәлімет береді.Жоғары оқу орнының студенттері ертең алыс шетелде, Солтүстік Ирландияның Белфаст қаласында өтетін бокс кешінің басты жекпе-жегінде өнер көрсететін жерлесімізге осылай қолдау білдірмекші.