Алматы қаласында жасөспірімдер арасында семсерлесуден өткен ел біріншілігінде өңірлік құрама жақсы нәтиже көрсетті.
Сонымен біріншіліктің қорытындысына көз жүгіртсек, жасөспірімдер арасында Вадим Лысенко қырық спортшының ішінде екінші нәтижеге қол жеткізді. Сондай-ақ облыстық ерлер құрамасы жалпыкомандалық екінші орынды жеңіп алды. Жартылай финалда алматылықтардан 45:40 есебімен басым түскен олар ақтық ойындарда астаналықтардан 45:42 есебімен ұтылды.
Кадеттер арасында Денис Анацко 5-орынға тұрақтады. Жасы 13-те болса да, 16-17 жастағылармен сайысқан Денис ең жас қатысушы ретінде көрермендердің ықыласына бөленді. Сөйтіп кадеттер жарысқа қатысқан он құраманың ішінде үшінші орынды иеленді.