Петропавл қаласындағы №6637 әскери бөлімінде 202 жас сарбаз ант қабылдады. Салта-натты шараға мекеменің басшылығы, сала ар-дагерлері, сарбаздардың ата-аналары мен ту-ған-туысқандары қатысты.
Ант қабылдау рәсімінде сөз алған қалалық ардагерлер кеңесі төрағасының орынбасары Иманғали Тәттібаев әскери борышты орындау әрбір ер-азаматтың асыл міндеті екендігіне тоқ-талып, болашақ сарбаздарға сәттілік тіледі.
– Әскер өмір мектебі, келешекке жетелейтін баспалдақ тәрізді. Осы орайда жастарды қатал тәртіпке, отансүйгіштікке, ұлтжандылыққа, ізгі қасиеттерге баулуда әскердің маңызы зор. Мен сіздердің антқа адал, еліміздің сенімді қорғаны болып қалыптаса алатындарыңызға кәміл сене-мін, – деді Иманғали Сұлтанұлы.
Әскери бөлімнің бастығы, подполковник Арман Шәкіровтің айтуынша, болашақ сарбаздар Алматы, Қарағанды, Талдықорған және Түркістан облыстарынан келген. Олар бұл мекеменің жедел іс-қимыл батальонында және атқыштар ротасында өздерінің азаматтық борышын атқа-ратын болады.