Петропавлда медициналық колледж студенттеріне арналған жатақхана құрылысын жүргізу үшін орын дайындалып жатыр.
Нұрсұлтан Назарбаев – Аяған Шәжімбаев көшелерінің қиылысындағы учаскеде 4 ескі баспана бұзылып, тұрғындарына жайлы үйлерден пәтер берілді.
Жалпы қаланың орталық бөлігіндегі жеке секторда тозығы жеткен ескі үйлерді бұзып, орнына жаңа ғимараттар салу үрдісі биыл да белсенді түрде жалғастырылмақ. Мәселен, Шоқан Уәлиханов – Чкалов көшелерінің бойында 900 орындық мектеп құрылысын жүргізу үшін учаске белгіленген екен. Сондықтан осы аумақта 30 шақты ескі үй сүрілмекші.