«Қызылжар Арландары» спорт клубының директоры Ербол Мырзабосынов желтоқсан айында Ақтөбе қаласында қазақ күресінен өтетін әлем чемпионатының бас төрешісі болып бекітілді. Ербол Куантайұлы – қазақ күресінен халықаралық дәрежедегі спорт шебері, Қазақстан Республикасының еңбек сіңірген бапкері, PhD докторы.
Бұдан бөлек, спортшылардың белдесулерін 20 төреші бағалайды. Олардың 12-сі қазақстандық болса, 8-і шетелдік. Бапкерлер – Украина, Ресей, Қырғызстан, Тәжікстан, Грузия, Литва және Армения сияқты елдердің өкілдері. Бір атап өтерлігі әлем біріншілігі барысында балуандар 60, 66, 74, 82, 90, 100 және 100+ килограм салмақта белдесетін болады.