Петропавлда «Бизнес бастау» жобасы бойынша бесінші оқу кезеңі басталды.
Жұмыссыз тұрғындарды кәсіпкерлікке үйрететін бұл жоба бойынша өткен жылы бес ауданда 1 мыңға жуық солтүстікқазақстандық арнайы сертификат алып шаққан. Олардың 160-ы іскерлік жобаларын жүзеге асыру үшін несие алуға қол жеткізген. Биыл курспен 2 мың тыңдаушыны қамту көзделген, олардың 400-дейі өз істерін ашады деп күтілуде. Өз ісін жаңа бастап жатқан кәсіпкерлер маркетинг негіздерін, салық заңнамаларын қамтитын 12 модуль бойынша біліктіліктерін арттырады.