Биыл облыста жол инфрақұрылымын жақсарту аясында 1,1 мың шақырым жол жөнделеді деп жоспарлануда. Атап айтқанда, 467 шақырым республикалық желі, 700 шақырым жергілікті жолдар және көше-жол желісі, соның ішінде 35 елді мекендегі 100 шақырым ішкі жол қамтылады.
– Былтыр өңірде мың километрден астам жол жөнделіп, 91,3 млрд. теңге игерілді. Биылғы жұмыстардың 80 пайызы – орташа жөндеу. Өңірдегі жолдардың 1983 шақырымы облыстық маңызы бар уческелер саналады, – дейді облыстық жолаушылар тасымалы және автомобиль жолдары басқармасы басшысы орынбасарының міндетін атқарушы Қанат Бүкіров.
Покровка-Петропавл, Қайранкөл-Благовещенка, Дәуіт-Кішкенекөл, Меңкесер-Раздольное, Горьковское-Восход, Кішкенекөл-Қаратерек, Смирново-Қиялы, Покровка-Ильинка, Смирново-Тоқшын, Повозочное-Баян, Ялты-Шақпақ бағытындағы жолдар жөнделеді.
Диас АЯҒАН,
«Soltüstık Qazaqstan».