Петропавл қаласының маңында әуесқой және кәсіпқой жүргізушілер арасында экстремальды көлік жарысы өтті. “Сазбалшықтағы жарыс – 2016” сайысына Петропавл мен Көкшетау қаласының 12 жүргізушісі қатысты.
Жарыс барысында жол таңдамайтын көліктер 5 айналым жасап, 2 шақырымдық сазды-балшықты қашықтықты еңсерді.
Кәсіпқойлар арасынан Василий Джимма жеңімпаз атанды. Екінші болып мәреге Евгений Карасёв жетті. Үшінші орынды Евгений Асташов пен Алексей Волков өзара бөлісті.
Әуесқойлар арасында “ТР-1” нұсқасы бойынша мәреге бірінші болып Олег Тиуков жетті. Екінші орында көкшетаулық Максим Леонов болса, петропавлдық Андрей Мухортов мәре сызығын үшінші болып кесті.
(Өз тілшіміз).