Күз мезгілінде балық аулаудың қаупі арта түседі. Сондықтан қазіргі уақытта әуесқой балықшылардың қауіпсіздігі өзекті мәселеге айналып отыр.
Жуырда құтқарушылар облыс орталығында кезекті рейд өткізіп, оның барысында балықшылармен әңгімелесті, судағы қауіпсіздік бойынша нұсқамалар таратты. Балықшылар синоптиктердің болжамын ескермей, дауылды күндері қайықпен балық аулауға шығады. Сондай-ақ, балық аулау кезінде ішімдік ішетін тұрғындардың да кездесетіні жасырын емес. Жұқа мұз өте қауіпті, ересек адам түгіл, баланың да салмағына шыдамайды. Қалыңдығы 10 сантиметрден артық мұз ғана қауіпсіз деп саналады. Мұз үстіне топпен шыққанда, 5-6 метр арақашықтықты сақтау керек.
Евгений ЖУРАВЛЕВ,
облыстық төтенше жағдайлар жөніндегі
департаменттің ішкі және сыртқы
коммуникациялар тобының бас маманы.