Биыл шетел инвесторларының қатысуымен өңірімізде қоспажем және ағаш өңдеу өндірісі бойынша жобалар жүзеге асырылатын болады. Бұл туралы облыс әкімі Құмар Ақсақалов тұрғындар алдындағы есепті кездесуінде мәлімдеді.  

Сондай-ақ, өңірімізде “KAZMEAL” ЖШС бидайды қайта өңдеу зауытының құрылыс басталмақ. Қаңырап бос тұрған бұрынғы Калинин атындағы зауыт “PP Solutions” компаниясына беріліп, мұнда осызаманғы дата-орталық құрылады. “Біз өнеркәсіп аймағында тұралап қалған нысандарды қайта қалпына келтіру мақсатында қаржы бөлетін боламыз. Бүгінгі күні 7 ірі инвестициялық жоба әзірленуде. Олар екі жылдан соң өңір экономикасына 80 млрд. теңге құйып, бір жарым мыңнан астам жұмыс орнын ашады”, – деді өңір басшысы.